ភ្នំពេញ៖ អគ្គនាយកផលិតកម្មGalaxy អ្នកឧកញ៉ា ឡេង ណាវ៉ាត្រា បានបញ្ជាឱ្យលុបវីដេអូខ្លីនៃបទ Are You Ok? ចេញពីបណ្ដាញសង្គមក្រុមហ៊ុនទាំងអស់តាមការស្នើសុំរបស់អ្នកគាំទ្រ។

លោក ឡេង ណាវ៉ាត្រា បានសរសេរលើហ្វេសបុកផេករបស់លោកថា៖ «សូមអ្នកគ្រប់គ្រងការផលិត របស់ផលិតកម្ម Galaxy Navatra លុប Video Trailer បទ are you ok ចេញពី Facebook page និង Account TikTok របស់ផលិតកម្ម Galaxy Navatra ចេញជាបន្ទាន់ទៅតាមការស្នើសុំរបស់អ្នកគាំទ្រ ហើយត្រូវពិនិត្យមើលចំណុចខ្វះខាតកែល្អឡើងវិញ» ។

បទដែលទិញកម្មសិទ្ធបញ្ញាពីម្ចាស់សំឡេង are you ok ត្រូវបានផលិតកម្ម Galaxy Navatra របស់លោក ឡេង ណាវ៉ាត្រា ទិញពីម្ចាស់សំឡេងដើមក្នុងតម្លៃ១ម៉ឺន២ពាន់ដុល្លារ និងត្រូវយកមកផលិតជាបទចម្រៀងដែលច្រៀងដោយកញ្ញា តន់ ច័ន្ទសីម៉ា។

ក្នុងវីដេអូចម្រៀងខ្លីដែលបានបង្ហោះលើបណ្ដាញសង្គមហ្វេសបុក និងTikToK បានបង្ហាញនូវបុរសម្នាក់សាកសួរទៅកាន់មនុស្សស្រីមួយក្រុមនូវពាក្យថា are you ok? Can you clap clap with me in the classroom? និងបានបង្ហាញកាយវិការរាំរបស់សិស្សស្រីទាំងនោះ រួមទាំងប្រើប្រាស់អាវុធរាំក្នុងថ្នាក់រៀនផងដែរ ដែលធ្វើឱ្យមហាជនផ្ទះការរិះគន់ជាខ្លាំងនៅប៉ុន្មានថ្ងៃនេះ។

ក្រោយពីមានប្រតិកម្មពីម្ចាស់ផលិតកម្មរួច ទាំងក្នុងហ្វេសបុក និងTikTok របស់ក្រុមហ៊ុន Galaxy បានលុបចោលវីដេអូនោះរួចផងដែរ៕